આજ રોજ તારીખ ૧૫/૦૨/૨૦૨૫ ને શનિવારના આપણી શાળા દેવ વિદ્યામંદિર થરાદ ખાતે ખેલ કૂદ અને વ્યાયામ ધારા અંતર્ગત " રમતોત્સવ ૨૦૨૫ " રાખવામાં આવ્યો હતો. જેમાં આપણી શાળાના આદરણીય પ્રમુખ સાહેબશ્રી, આચાર્ય સાહેબશ્રી અને નિયામક સાહેબશ્રી દ્વારા દીપ પ્રાગટ્ય કરી આ કાર્યક્રમની શરૂઆત કરવામાં આવી હતી. કાર્યક્રમની શરૂઆતમાં શાળાના પ્રમુખ સાહેબ દ્વારા " ખેલેગા ઈન્ડિયા તભી તો આગે બઢેગા ઈન્ડિયા " અને " ફિટ ઈન્ડિયા મૂવમેન્ટ " ની સરસ માહિતી વિદ્યાર્થીઓને આપવામાં આવી હતી. આપણા દેશના યશસ્વી વડાપ્રધાન શ્રી નરેન્દ્ર મોદી સાહેબ દ્વારા લાગુ કરવામાં આવેલ કેન્દ્ર અને રાજ્ય સરકારની સ્પોર્ટ્સ પોલિસીની માહિતી પ્રમુખ સાહેબ દ્વારા વિદ્યાર્થીઓને આપવામાં આવી હતી. સાથેસાથ " પઢોગે લીખોગે તો બનોગે નવાબ ખેલોગે કુદોગે તો બનોગે લાજવાબ " અને " જો ખેલેગા વહી ખીલેગા " જેવા સરસ મજાના સ્લોગન આપ્યા હતા. આમ વિદ્યાર્થીઓ મોબાઈલ ગેમ્સમાંથી બહાર આવી વિવિધ પ્રકારની મેદાની રમતો રમે અને એમાં રસ દાખવે જેથી વિદ્યાર્થીઓનો શારીરિક અને સર્વાંગી વિકાસ થાય તેવા હેતુથી વિદ્યાર્થીઓને જીવનમાં રમતનું મહત્વ સમજાવ્યું હતું. આમ શાળાના પ્રમુખ સાહેબશ્રી દ્વારા ખૂબ જ પ્રેરક ઉદબોધન કરી ખેલાડીઓમાં નવો જોશ પૂર્યો હતો. આ રમતોત્સવમાં કબડ્ડી, ખો - ખો, જેવી ટીમ રમતો અને ૧૦૦ મીટર દોડ, ટી શર્ટ દોડ, ટાઈટ દોડ, બેગ પેક દોડ, ગુબ્બારા ફોડ, વોટર ગોલ, બેગ પેક દોડ, દોરડા કૂદ, ચોકલેટ શોધ, સંગીત ખુરશી જેવી વિવિધ પ્રકારની ૧૦ જેટલી વ્યક્તિગત રમતો અને ૦૨ ટીમ રમતો સહિત કુલ મળીને ૧૨ જેટલી રમતો વિદ્યાર્થીઓને રમાડવામાં આવી હતી. જેમાં શાળાના બાલવાટિકા અને પ્રાથમિક વિભાગના કુલ મળીને અંદાજિત ૧૫૦ જેટલા વિદ્યાર્થી ભાઈ - બહેનોએ ભાગ લીધો હતો. કાર્યક્રમના અંતે જે તે રમતમાં પ્રથમ, દ્વિતિય અને તૃતીય ક્રમાંકે આવેલ વિદ્યાર્થીઓને ઈનામ આપી પ્રોત્સાહિત કરવામાં આવ્યા હતા. આ સાથે સમગ્ર વિદ્યાર્થીઓના ચહેરા પર અનેરો આનંદ અને હર્ષોલ્લાસ સાથે ખુશીની ઝલક દેખાઈ આવી હતી. આ સમગ્ર કાર્યક્રમ જેમના માર્ગદર્શન હેઠળ થયો એવા શાળાના પ્રમુખ સાહેબશ્રી, આચાર્ય સાહેબશ્રી, નિયામક સાહેબશ્રી તેમજ રમત દરમિયાન અન્ય કોઈ પણ રીતે મદદરૂપ થનાર અને પોતાને આપેલ જવાબદારી ચોકસાઈથી અને ખૂબ જ નિષ્ઠાપૂર્વક નિભાવનાર અને પંચકાર્ય કરનાર શાળાના તમામ શિક્ષકશ્રીઓ તેમજ સેવક ભાઈઓનો હુ હ્ર્દયના અંતઃ કરણ પૂર્વક ખૂબ ખૂબ આભાર વ્યક્ત કરું છુ...એકલા હાથે ક્યારેય કોઈ કાર્યક્રમ સફળ થતો નથી એમા બધાનું એકસરખું યોગદાન હોય ત્યારે જ કોઈ કાર્યક્રમ સફળ થાય છે. એવી જ રીતે આજના આ કાર્યક્રમને સફળ બનાવનાર આપ સર્વેનો ખૂબ ખૂબ આભાર...!!
